ԵՐԵՎԱՆ, 9 սեպտեմբերի — Sputnik. ՌԻԱ Նովոստի Ուկրաինա կայքի ղեկավար Կիրիլ Վիշինսկին այսօր` սեպտեմբերի 9-ին հրավիրած մամուլի ասուլիսում Ռուսաստանի նախագահ Վլադիմիր Պուտինին աջակցության համար շնորհակալություն է հայտնել։
Նա շնորհակալություն է հայտնել բոլոր նրանց, ովքեր պահանջել են ազատ արձակել իրեն։
«Անչափ շնորհակալ եմ անձամբ Վլադիմիր Պուտինին։ Նա խոշորագույն քաղաքական առաջնորդներից առաջինն է, որը հայտարարեց, որ ես մարդ եմ, որն անմեղորեն տառապում է, քանի որ չի կարելի մարդուն պատժել մասնագիտական գործունեության համար», – ասել է Վիշինսկին։
Նա շնորհակալություն է հայտնել նաև Ռուսաստանի ԱԳՆ ղեկավար Սերգեյ Լավրովին, որն աջակցել է լրագրողին ծննդյան օրը։
«Դա քաղաքական պատմություն է, և ինձ ազատելը քաղաքական ջանքերի արդյունք է», – նշել է նա։
Ռուս իրավապաշտպանը չի հավատում, որ Վիշինսկու մոտ կարող էին ատրճանակ գտնել
ՌԻԱ Նովոստի Ուկրաինա կայքի խմբագիր Կիրիլ Վիշինսկին կալանավորվել էր 2018թ.–ի մայիսի 15–ին Կիևում։ Լրագրողը կասկածվում է Դոնբասում ինքնիշխան հանրապետություններին աջակցելու և պետական դավաճանության մեջ։