ԵՐԵՎԱՆ, 9 սեպտեմբերի — Sputnik. Women's Club-ից հայտնի Գրիգն ու պարուհի Սոնա Եսայանը Սուրբ Գրիգոր Լուսավորիչ եկեղեցում պսակադրվել են՝ իրար հավերժ սիրելու խոստումով:
Նրանք ամուսնացել են սեպտեմբերի 8-ին` ավելի քան վեց տարի ընկերություն անելուց հետո:
Գրիգոր Լուսավորիչ եկեղեցու ընտրությունը զույգի համար պատահական չի եղել, քանի որ նրանք հաճախ են այնտեղ այցելել և որոշել են հենց այդ եկեղեցում էլ պսակադրվել:
Գրիգն ու Սոնան հայկական ավանդական հարսանեկան արարողություն չեն կազմակերպել, այլ ամեն ինչ արել են, որ առավելագույնս վայելեն իրենց կյանքի կարևորագույն օրը:
Զույգը հրաժարվել է հարսի պարից, շոու ծրագրից և այն ամենից, ինչը կարող է իրենց անհանգստություն պատճառել, անտեղի ժամանակ խլել ու լարվածություն առաջացնել:
Զույգի քավորը Women’s club-ի ռեժիսոր Գևորգ Ենոքյանն է, հարսի զգեստի դիզայները` Դիանա Շատվերյանը:
Հայտնի անձանցից ովքե՞ր «ծերացան» մեկ շաբաթում. FaceApp հավելվածի վտանգները
Զույգի հարսանեկան արարողությանը մասնակցել են հայտնի հայերից շատերը:
Դերասան Անդրանիկ Հարությունյանը Instagram-ի իր էջում զույգի հետ լուսանկար է հրապարակել:
«Էլի ու էլի շնորհավոր, իմ լավ ընկերներ»,- լուսանկարին կից գրել է Անդրանիկը:
Դերասան Ռաֆայել Երանոսյանը նախընտրել է իր ընկերներին հումորով շնորհավորել:
«Ջանդամ, դուք էլ բախտավոր լինեք»,- հրապարակված լուսանկարին կից գրել է դերասանը:
Նշենք, որ մեղրամիս մեկնելու ծրագրեր զույգը չունի, քանի որ երկուսն էլ հագեցած աշխատանքային գրաֆիկ ունեն և խիստ ծանրաբեռնված են: