ԵՐԵՎԱՆ, 7 սեպտեմբերի — Sputnik. Ռուս էստրադային երգչուհի Լոլիտա Միլյավսկայան վստահ է, որ իր անձնական կյանքում ևս մեկ ձախողում է տեղի ունեցել, քանի ժամանակին չի դիմել հոգեբանի: Այս մասին նա հայտնել է sobesednik.ru-ին:
«Այս տարին սարսափելի է ամուսնալուծությունների առումով»,- ասել է երգչուհին ու խոստովանել, որ իր շրջապատում կտրուկ աճել է ամուսնալուծվող զույգերի թիվը:
Երգչուհին կարծում է, որ մարդիկ պետք է ամեն կերպ փորձեն փրկել իրենց ամուսնությունը:
«Ավելի լավ է՝ դիմեն հոգեբանական խորհրդակցության, միայն թե ոչ ամուսնալուծության: Ես և Դիման մեծ սխալ թույլ տվեցինք, քանի որ չաշխատեցինք մեր հարաբերությունների վրա: Դա է մեր դժբախտությունը»,- խոստովանել է երգչուհին:
Ըստ նրա՝ իր և ամուսնու բնավորության որոշ գծեր միմյանց «դուր չեն եկել», բայց իրենք այդ մասին չեն բարձրաձայնել, հակառակ դեպքում հնարավոր կլիներ դրանք պահպանել:
Լյուբով Ուսպենսկայան Ադրբեջանում հայերեն երգ է երգել. տեսանյութը բարկացրել է ադրբեջանցիներին
Աստղային զույգը պաշտոնապես դեռ չի ամուսնալուծվել: Երգչուհին դա բացատրել է իր և ամուսնու զբաղվածությամբ: Լոլիտան չի բացառել, որ ամուսնու հետ դեռ կարող է միավորվել:
«Ամեն ինչ կախված է Դմիտրիից , քանի որ հենց նա ամուսնալուծության որոշում կայացրեց»,- ամուսասում է երգչուհին:
Հիշեցնենք, որ սա 55–ամյա Լոլիտա Միլյավսկայայի 5–րդ ամուսնությունն էր։ Նա սքվոշի 44–ամյա մարզիչ Դմիտրի Իվանովի հետ ապրեց մոտ 10 տարի։