ԵՐԵՎԱՆ, 4 սեպտեմբերի – Sputnik. Առաջիկա մեկ տարվա ընթացքում Էջմիածինը 6-8 «խելացի» կանգառ կունենա։ Facebook սոցիալական ցանցի իր էջում այս մասին գրել է Էջմիածնի քաղաքապետ Դիանա Գասպարյանը։
«Առաջին կանգառի կառուցումն արդեն մեկնարկել է, և այն կտեղադրվի մեկ ամսից»,– նշել է նա:
Կանգառներն ունենալու են ձմռանը տաքացվող, ամռանը սառեցվող համակարգեր, էլեկտրոնային սարքերի լիցքավորման հնարավորություն, անվճար Wi-Fi, տեղեկատվություն հասարակական նշանակության վայրերի վերաբերյալ, երթուղայինների ժամանման վերաբերյալ տեղեկատվություն, անհրաժեշտ տեղեկություններ զբոսաշրջիկների համար, վենդորային սարքեր սուրճի և քաղցրեղենի համար, բանկոմատ, վճարային տերմինալ, գովազդ, ստենդ անվճար հայտարարությունների համար, աղբի տեսակավորման համար նախատեսված աղբամաններ:
Երևանում հեծանվային արահետ կբացվի. լուսանկար
Գասպարյանը նշել է, որ «խելացի» կանգառների նախաձեռնության հեղինակը քաղաքապետարանն է, բայց մասնավոր հատվածի ընկերությունների հետ բանակցությունների արդյունքում որոշվել է, որ քաղաքային բյուջեից որևէ գումար դրանց կառուցման համար չի հատկացվելու: Քաղաքապետարանը երկարաժամկետ պայմանագրով հատկացնելու է միայն տարածքը, իսկ կառուցման ծախսերը հոգալու է մասնավոր ընկերությունը։