ԵՐԵՎԱՆ, 4 սեպտեմբերի — Sputnik. ՀՀ փոխվարչապետ Տիգրան Ավինյանը լրագրողների հետ ճեպազրույցում հրաժարվեց մեկնաբանել Ամուլսարի շուրջ ծավալվող վերջին իրադարձությունները`նշելով, որ Ամուլսարի գործով հնարավոր է`արբիտրաժային գործընթացներ լինեն։
Նա ընդգծեց, որ Ամուլսարի հարցում իր գործը միայն մեր պետական շահը պաշտպանելն է։
«Ինչպես բոլոր հանքերի, Ամուլսարի դեպքում ևս, ինձ առաջին հերթին անհանգստացնում է դրանց` բնության ու մարդկանց պատճառած վնասը»,–նշեց Ավինյանը։
Փոխվարչապետին չի զարմացրել «Էլարդի» վերջին հայտարարությունը` հանքի շահագործման թույլտվության վերաբերյալ։
«Կարծում եմ` որ Քննչական կոմիտեի եզրակացությունը պրոֆեսիոնալ քննության և գնահատանքի կարիք ունի, ես այս պահին չեմ կարող այն գնահատել»,–ասաց Ավինյանը։
Հիշեցնենք` օգոստոսի 19–ին Facebook–ում ուղիղ եթերի ժամանակ ՀՀ վարչապետն ասել էր, որ Ամուլսարի հանքը կարող է գործարկվել, քանի որ «Էլարդ» ընկերության եզրակացության համաձայն` հավանական ռիսկերը կարող են ոչ էական լինել Սևանա լճի կամ Ջերմուկի ջրերի համար, եթե ընդունվեն կանխարգելիչ այն 16 միջոցները, որոնց մասին խոսվում է եզրակացության մեջ։
Հայկ Գրիգորյանը չի «մարսելու» Ամուլսարը. «Փաստ»
Դա բնապահպանների ու ակտիվիստների շարքերում բողոքի կտրուկ ալիք է բարձրացրել։ Իսկ ավելի ուշ` օգոստոսի 29–ին, վարչապետ Նիկոլ Փաշինյանի հետ տեսակոնֆերանսի ընթացքում նույն ընկերության ներկայացուցիչները նշել էին, որ կատարված փորձաքննություններն ու ՇՄԱԳ–ը բավարար չեն հանքն ապահով շահագործելու համար։