ԵՐԵՎԱՆ, 3 սեպտեմբերի – Sputnik. ԱԺ պետաիրավական հարցերի մշտական հանձնաժողովն այսօր դրական եզրակացություն է տվել «Բարգավաճ Հայաստան» խմբակցության անդամ Նաիրա Զոհրաբյանի և նրա գործընկերների առաջարկած փոփոխությանը, որով քրեական պատասխանատվություն է սահմանվում կենդանիների հանդեպ դաժան վերաբերմունքի, կենդանու ոչնչացման և խոշտանգման համար։ Զոհրաբյանն այս մասին գրել է Facebook սոցիալական ցանցի իր էջում։
Վտանգը կա ու շարունակվում է. ինչպե՞ս պայքարել կենդանիների ապօրինի որսի ու վաճառքի դեմ
«Շնորհակալություն բոլոր կենդանիների անունից։ Շնորհակալ եմ հանձնաժողովին և արդարադատության փոխնախարարին՝ բավականին գրագետ առաջարկներով նախագիծը լրացնելու համար»,– գրել է նա։
Զոհրաբյանը հուսով է, որ առաջիկա քառօրյայում խորհրդարանը կվավերացնի դրական եզրակացություն ստացած նախագիծը, և անօգնական կենդանիներն օրենքի ուժով կպաշտպանվեն տարատեսակ «անասուններից»։
«Պետք է վերջ տալ սպանություններին». ակտիվիստները պահանջում են պաշտպանել կենդանիներին
Հիշեցնենք, որ այսօր կենդանիների նկատմամբ դաժան վերաբերմունքը տուգանվում է նվազագույն աշխատավարձի 30-50–պատիկի չափով, իսկ բարձրաստիճան անձանց դեպքում` նվազագույն աշխատավարձի 80-100–պատիկի չափով։
Էկոաղետ Գյումրիում. ի՞նչ վնաս կհասցնի կենդանիների բացօթյա գերեզմանոցը. լուսանկարներ