ԵՐԵՎԱՆ, 2 սեպտեմբեր — Sputnik. Վրաստանի վարչապետ Մամուկա Բախտաձեն հրաժարական է տվել, կառավարությունը դադարեցնում է լիազորությունները։
«2018-ին Վրաստանի վարչապետի պաշտոնում իմ առաջադրման նպատակը և հիմնական մանդատը երկրի համար ռազմավարական զարգացման շրջանակի ստեղծումն ու իրականացումն էր, որը կապահովեր առաջիկա տարիներին մեր պետական նպատակների իրագործումը և կդառնար երկրի զարգացման ուղեցույցը: Զարգացման ռազմավարական շրջանակը ստեղծված է և, հետևաբար, որոշում եմ ընդունել պաշտոնը լքելու մասին, քանի որ կարծում եմ, որ իմ առաքելությունն այս փուլում կատարել եմ», – գրել է Բախտաձեն։
Նրա խոսքով` Վրաստանն այսօր, ինչպես երբևէ լիարժեք համախմբման կարիք ունի։
Վրացահայ պատգամավորը պատահաբար հայտնվել է ուղիղ եթերում գայլի «զգեստով»
«Համոզված եմ, որ դա է հաջողության միակ բանաձևը։ Եվս մեկ անգամ շնորհակալություն եմ հայտնում Վրաստանի ամբողջ հասարակությանը։ Հավատում եմ, որ միասին մենք կկարողանանք ամեն ինչ։ Թող Աստված օրհնի Վրաստանը», – նշել է Բախտաձեն։
Լացացրել է Բեքիր փաշային. ինչպես է հայը փրկել վրացական գյուղը թուրքական ներխուժումից
Բախտաձեն 2012 թվականից Վրաստանի 4-րդ վարչապետն է, որը հրաժարական է տվել։
Վրացական ԶԼՄ–ների վարկածով` վարչապետի պաշտոնը կարող է զբաղեցնել Վրաստանի ներքին գործերի նախարար Գեորգի Գախարիան։