ԵՐԵՎԱՆ, 2 սեպտեմբերի — Sputnik. Ընթացիկ տարվա արդյունքներով ռուսական ավիափոխադրողների տոմսերը 2018 թվականի համեմատ կթանկանան 9-10 տոկոսով։ Այս մասին հայտարարել է Օդային տրանսպորտի շահագործողների ասոցիացիայի գործադիր տնօրենի տեղակալ Բորիս Շոկուրովը, հայտնում է ՌԻԱ Նովոստին։
Փորձագետի խոսքով` ավիափոխադրողները տարվա երկրորդ և երրորդ եռամսյակներում շահույթով են աշխատում, իսկ առաջին և չորրորդ եռամսյակներում իրենց գործունեությունը վնաս է կրում։
Այժմ ավիաընկերությունները ստիպված կլինեն բարձրացնել տոմսերի գները` կերոսինի, ինչպես նաև օդանավակայանի սպասարկման գների թանկացման պատճառով։
Շոկուրովը կարծում է, որ եթե նույնիսկ ավիափոխադրողները նվազագույն հավելավճարի մարտավարություն որդեգրեն, տոմսերի արժեքի գումարային աճը շուրջ 7-8 տոկոս կլինի։
Armenia-ն ազդարարեց, թե ամսի քանիսից է կարելի Մոսկվայից Թբիլիսի տոմսեր գնել
Այս ամառ ռուսաստանցիների ամենապահանջված երեք ուղղություններն են եղել Հայաստանը, Իտալիան և Թուրքիան։ Բոլոր գնված տոմսերի 8 տոկոսից ավելին բաժին է ընկնում Հայաստանին։ Մեծ պահանջարկ վայելող արտասահմանյան ուղղությունների տասնյակում են Իսպանիան, Ուզբեկստանը, Գերմանիան, Տաջիկստանը, Ֆրանսիան և Ղրղըզստանը, իսկ 2019 թվականի առաջին կիսամյակում` Վրաստանը։