ԵՐԵՎԱՆ, 31 օգոստոսի–Sputnik. Պարզվել է Գյումրու աղբավայրում հայտնաբերված երեխայի դիակի ինքնությունը։ Ինչպես տեղեկացնում է ՀՀ ոստիկանությունը, դեպքի վայր մեկնած օպերատիվ խումբը աղբանոցում 1 տարեկան աղջիկ երեխայի ձեռքերն ու ոտքերը փաթաթված են եղել կպչուն ժապավենով։
Ոստիկանության Մուշի բաժնի ծառայողների անհետաձգելի օպերատիվ-հետախուզական միջոցառումների արդյունքում պարզվել է երեխայի ինքնությունը:
Իսկ ժամը 19։00-ի սահմաններում Գյումրու Շիրակացու փողոցում ոստիկանները հայտնաբերել են երեխայի մորը և բերման ենթարկել ոստիկանության Մուշի բաժին:
Քննությունը շարունակվում է, կատարվածի հանգամանքները պարզվում են:
Հիշեցնենք, որ Գյումրու Բուլվարային թաղամասի աղբանոցում այսօր մոտ 1 ու կես տարեկան աղջիկ երեխայի դի է հայտնաբերվել:
Այս լուրը Sputnik Արմենիային հետ զրույցում հաստատել էր Շիրակի մարզի դատախազ Կարեն Գաբրիելյանը:
Նշենք, որ ավելի վաղ ոստիկանությունը հայտարարել է, որ ովքեր դեպքի վերաբերյալ կարող են հայտնել որևէ տեղեկություն, կարող են դիմել ոստիկանության մոտակա կամ Մուշի բաժին, զանգահարել 1-02։
Տեղեկություն տրամադրող անձի գաղտնիությունը երաշխավորվում է։