ԵՐԵՎԱՆ, 29 օգոստոսի — Sputnik. Ամերիկայի Կոլորադո նահանգում բնակվող տարեց ամուսինները ստիպված են եղել անզեն պայքար մղել իրենց տուն մտած արջերի դեմ, գրում է WTKR կայքը։
Ջո Ջոնսոնը և նրա կինը՝ Ջորջի Էն Ֆիլդը, տանն են եղել, երբ հանկարծ վերևի հարկից կասկածելի աղմուկ են լսել։ 71-ամյա Ջոն գնացել է խոհանոցը ստուգելու և դեմ առ դեմ բախվել արջին և նրա քոթոթին։
Կենդանիները հացի կտոր են գտել սեղանին և որոշել ընթրել, իսկ տանտերն ակնհայտորեն անակնկալի է բերել նրանց։ Մայր արջը, պաշտպանելով քոթոթին, հարձակվել է Ջոյի վրա, իսկ նա, չկորցնելով իրեն, բռունցքով հարվածել է։ Ջոյին օգնության է շտապել կինը և բեյսբոլի մահակով հարվածել արջին։
Դա ստիպել է կենդանիներին նահանջել և լքել տունը։ Ջոն ոչ ծանր վնասվածքներ է ստացել ձեռքերի, դեմքի, կրծքի շրջանում, իսկ նրա կինը գրեթե չի տուժել։
Անվտանգության աշխատակիցները գնացել են կենդանու հետքերով և առավոտյան արդեն քնեցրել նրան, սակայն քոթոթին չեն կարողացել գտել։