Ազգային անվտանգության պետական կառույցը ժամանակին ղեկավարած գործիչը անհանգստանալու հիմնավոր պատճառներ է։
Շահնազարյանը նկատում է, որ Նիկոլ Փաշինյանը կառավարության պահուստային ֆոնդից Արցախի ընտրությունները դիտարկելու համար օտարերկրյա գրանտային սնուցմամբ սորոսական կազմակերպություններ է մտցնում Արցախ:
Խոսքը Դանիել Իոաննիսյանի «Իրազեկ քաղաքացիների միավորում» և հակակոռուպցիոն «Թրանսփերենսի ինթերնեյշնլ» կազմակերպություններին կառավարության պահուստային ֆոնդից 33,6 մլն դրամ հատկացնելու մասին է:
«Բազմիցս ասել եմ, որ Փաշինյանի հիմնական խնդիրը հեղափոխությունն Արցախ արտահանելն է: Տեսեք` նա փորձեր էր անում Արցախի ապակայունացման, փորձեր էր անում հասնելու Բակո Սահակյանի հրաժարականին, օգտագործում էր ապակայունացնող ծրագրեր՝ Սամվել Բաբայանի ակտիվացումը, մասնավորապես»,–ասում է Շահնազարյանը:
Նրա խոսքով` երբ ՓԱշինյանը տեսավ, որ Արցախի ռազմաքաղաքական ղեկավարությունը բավական ամուր է և թույլ չի տալու այդ ամենը, անցավ այսպիսի գործելակերպի: Այսինքն` տվյալ կազմակերպությունների միջոցով հեղափոխության արտահանման փորձ է կատարում:
Շահնազարյանը նկատում է, որ օրինակ նույն «Թրանսփերենսի ինթերնեյշնլ» կազմակերպությունը, որ հակակոռուպցիոն նպատակադրումներ է հետապնդում, այս ընթացքում ոչինչ չի ասել Նիկոլ Փաշինյանի կառավարության մեջ կոռուպցիոն երևույթների վերաբերյալ: