ԵՐԵՎԱՆ, 28 օգոստոսի – Sputnik. Գեյմերների համար նախատեսված Gamestop Con կոնֆերանսի ժամանակ հայտարարվել է, որ թողարկվելու են SEGA և SNES խաղային կոնսոլների համար նախատեսված «Առյուծ արքա» ու «Ալադին» խաղերի HD ռիմեյքները։ Այս մասին հայտնում է gematsu-ն։
Խաղերը նախատեսված կլինեն PlayStation 4, Xbox One և Nintendo Switch խաղային կոնսոլների համար և կթողարկվեն աշնանը, իսկ այսօրվանից՝ օգոստոսի 28-ից, հնարավոր կլինի նախապես պատվիրել դրանք։
Այ քեզ բան. չկողմնորոշված Huawei-ը, նորությունամոլ Facebook-ն ու Samsung-ի տարօրինակ քայլը
Աղբյուրը վստահեցնում է, որ այս խաղերը ժամանակակից կոնսոլների վրա հնարավոր կլինի խաղալ ինչպես օրիգինալ, այնպես էլ 1080p կետայնությամբ։ Երկուսն էլ կստանան հետ տալու գործառույթ, ինչպես նաև հնարավոր կլինի միանգամից միացնել խաղի յուրաքանչյուր մակարդակ։
Բացի այս ամենից, խաղացողը հուշում ստանալու հնարավորություն կունենա, թե ինչպես անցնել տվյալ մակարդակը։ Այս տարբերակի խաղացողները կստանան բացառիկ բոնուս․ գեյմերները հնարավորություն կունենան խաղերի ընթացքում լսել օրիգինալ սաունդթրեքները։