ԵՐԵՎԱՆ, 27 օգոստոսի - Sputnik. Աշխարհահռչակ հեռուստաաստղ Քիմ Քարդաշյանը մասնակցել է արաբական Vogue պարբերականի վինտաժային ֆոտոշարքին։ Էպատաժային լուսանկարները սոցիալական ցանցերում դիտումների և «լայքերի» ռեկորդներ են գրանցում։ Ընդամենը մի քանի ժամում դրանք 1,5 միլիոն «լայք» են հավաքել Քարդաշյանի Instagaram-յան էջում։
Նշենք, որ արաբական աշխարհի համար այդքան անսովոր կերպարի հեղինակը հայտնի դիզայներ Թիերի Մյուգլերն է։ Քարդաշյանը մի քանի անգամ դարձել է նրա մոդելը։
Քիմը հարցազրույց է տվել ամսագրին՝ իր անձնական կյանքից պատմելով մանրամասներ, որոնց մասին մինչ այդ քչերը գիտեին։ Ընդունված է կարծել, որ Սաուդյան Արաբիան ավելի ազատ է դարձել Vogue-ի առաջին կուրատոր Դիանա Աբդուլազիզի շնորհիվ, որը սաուդյան արքայազնի կինն է։ Նրան համարում են Սաուդյան Արաբիայի ամենանորաձև կանանցից մեկը։
Հիշեցնենք, որ Սաուդյան Արաբիային քննադատում են կանանց իրավունքները խախտելու մեջ, ինչի պատճառով կառավարությունը որոշ զիջումների է գնացել։ Մասնավորապես, Սաուդյան Արաբիայի իշխանությունները կանանց թույլ են տվել ավտոմեքենա վարել և վարորդական իրավունք ստանալ։ Ավելին, կառավարությունը թույլ է տվել 21 տարին լրացած յուրաքանչյուր կնոջ արտասահմանյան անձնագիր ստանալ և ինքնուրույն ճանապարհորդել առանց լրացուցիչ թույլտվության կամ տղամարդու ուղեկցության, ինչպես եղել է մինչև այժմ։
«Փոքրիկ Փսալմը շատ քաղցրիկն է». Քիմ Քարդաշյանը ցույց է տվել 2 ամսական որդուն