ԵՐԵՎԱՆ, 27 օգոստոսի - Sputnik. ՀՀ ՔԿ Վայոց Ձորի մարզային քննչական վարչությունում բացահայտվել է մի քանի միլիոն դրամի խարդախության դեպք։
Քննչական կոմիտեում քննվող գործով մեղադրանք է առաջադրվել մասնավոր ընկերություններից մեկի տնօրենին։ Ինչպես հայտնում է ՀՀ քննչական կոմիտեն, Վայք քաղաքի մարզադաշտը վերանորոգելու և քաղաքային այգին բարեկարգելու համար քաղաքապետարանի հայտարարած մրցույթում հաղթած «Մավշին» ՍՊ ընկերությունը մարզպետարանից 120 մլն դրամի սուբվենցիա է ստացել:
2016թ. մարտի 21-ից սեպտեմբերի 21-ն ընկած ժամանակահատվածում ՍՊԸ տնօրենը կեղծ տեղեկանքներ ու ապրանքագրեր է ներկայացրել, որոնց արդյունքում ստանձնած պարտավորությունները թերի կատարելով հանդերձ, ավելի քան 4 մլն դրամ ավել գումար է ստացել։ Արդյունքում պետությանը պատճառվել է առանձնապես խոշոր չափերի գույքային վնաս:
Միլիոնավոր դոլարների չարաշահումներ. Վանեցյանը մանրամասներ է ներկայացնում. տեսանյութ
Ձեռք բերված բավարար ապացույցների հիման վրա ՍՊԸ տնօրենին մեղադրանք է առաջադրվել՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով (առանձնապես խոշոր չափերի խարդախություն)։ Նրա նկատմամբ խափանման միջոց է ընտրվել ստորագրություն չհեռանալու մասին:
Պետությանը պատճառված վնասը վերականգնելու նպատակով կալանք է դրվել ՍՊԸ տնօրենին պատկանող անշարժ և շարժական գույքի վրա:
Չարաշահումներ Վանաձորի միջնակարգ դպրոցում. տնօրենը 20 մլն դրամ է հափշտակել