ԵՐԵՎԱՆ, 26 օգոստոսի — Sputnik. Պարալիմպիկ խաղերի թիավարող Արթուր Պետրոսյանը դուրս էր եկել թիավարության աշխարհի առաջնության եզրափակիչ, որը պիտի կայանա վաղը՝ օգոստոսի 27-ին։ Սակայն նա առաջնությանը չի մեկնել և եզրափակիչին չի մասնակցելու։
«Չկարողացանք մասնակցել... փող չկա...», - նման գրությամբ լուսանկար է հրապարակել Հայաստանի ազգային պարալիմպիկ կոմիտեի Facebook-յան էջը։
Sputnik Արմենիային Պարալիմպիկ կոմիտեից հայտնեցին, որ աշխարհի եզրափակչից դուրս մնալու պատճառը համապատասխան առաջարկը կառավարության կողմից չքննարկելն ու որոշում չկայացնելն էր։
«Կրթության, գիտության, մշակույթի և սպորտի նախարարությունը հաշվարկներ արել էր, մոտավորապես երկուսուկես ամիս առաջ դիմել էր կառավարությանը։ Մենք էլ սպասում էինք` կառավարությունը կընդունի որոշում, թե չի ընդունի։ Բայց էդպես էլ նիստերին չքննարկեցին ու ժամանակն անցավ», - հայտնեցին կոմիտեից։
Եզրափակչին մասնակցելու համար մարզիկը գոնե օգոստոսի 18-ին արդեն պետք է մեկներ քաղաք Ցեգետ, Հունգարիա։