ԵՐԵՎԱՆ, 24 օգոստոսի — Sputnik. Վանաձոր-Ալավերդի-Բագրատաշեն ճանապարհահատվածը բեռնատարների համար փակ է: Այս մասին հայտնում է ՀՀ արտակարգ իրավիճակների նախարարությունը։
«Վանաձոր-Ալավերդի-Բագրատաշեն ճանապարհահատվածում կատարվում են շինարարական աշխատանքներ, ինչի հետևանքով էլ այդ հատվածը փակ է։ Վարորդներին առաջարկում ենք երթևեկել Դիլիջան-Նոյեմբերյան-Բագրատաշեն այլընտրանքային ավտոճանապարհով»,–նշված է ԱԻՆ–ի հաղորդագրության մեջ։
Ի դեպ, Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: