ԵՐԵՎԱՆ, 23 օգոստոսի — Sputnik. Թել Ավիվ–Սոչի չվերթն իրականացնող «Ուրալյան ավիաուղիների» Airbus А320 օդանավը արտակարգ վայրէջք է կատարել Սոչիի օդանավակայանում, հայտնում է ՌԻԱ Նովոստին` հղում անելով օդանավակայանի ներկայացուցչին։
Միջադեպը տեղի է ունեցել այսօր, տեղի ժամանակով ժամը 15:37-ին։ Նշվում է, որ օդանավում 160 ուղևոր է եղել, իսկ վթարային վայրէջքն ինքնաթիռը ստիպված է եղել իրականացնել շասսիի հետ կապված խնդրի պատճառով։
Արտակարգ իրավիճակ Աստանայի օդանավակայանում․ վայրէջքից հետո ինքնաթիռի շարժիչն այրվել է
Նախնական տվյալներով` վնասվել էր հիմնական պնևմատիկ ձախ անվադողը։ Լիարժեք պատրաստվածության են բերվել Սոչիի օդանավակայանի բոլոր արտակարգ ծառայությունները։ Վայրէջքը բարեհաջող է անցել, ոչ ոք չի տուժել։
Սոչիի օդանավակայանը, գործակալության տվյալներով, աշխատում է սովորական ռեժիմով։