Քաղաքագետ Սուրեն Սուրենյանցը Sputnik Արմենիայի հետ զրույցում անդրադարձել է պետականության ամրապնդմանը միտված քաղաքական որոշումների օգտին հետևողականորեն հանդես գալու՝ ՀՀ նախագահ Արմեն Սարգսյանի աշխատակազմի տարածած հաղորդագրությանը։
Սուրենյանցը փաստում է, որ սկզբունքորեն՝ Սահմանադրությամբ իսկապես նախագահի լիազորություններն այնքան կրճատված են, որ նա գործադիր իշխանության աշխատանքներին միջամտելու իրավունք չունի։
Արմեն Սարգսյան. նախագահ–արբիտր և այցեքարտ ներդրողների համար
«Ֆորմալիստական առումով՝ այն, ինչ նշված է նախագահի աշխատակազմի հաղորդագրության մեջ՝ միանգամայն ճիշտ է»,–նկատում է քաղաքագետը։
Սուրենյանցը նշում է նաև քաղաքականության մեջ «խոսքի ուժի» գոյության մասին։
«Շատ հաճախ ցանկացած սուբյկետ, այդ թվում՝ երկրի նախագահը, կարող է հրապարակային հայտարարություններով որոշակի ազդեցություն ունենալ գործընթացների վրա»,–նշում է Սուրեն Սուրենյանցը։
Նա միտում է տեսնում, որ բազմաթիվ հարցերում նախագահ Սարգսյանը չի ցանկանում միջամտել երկրում տեղի ունեցող գործընթացներին։
«Այստեղ կա զգուշավորության որոշակի բաղադրիչ»,–ասում է քաղաքագետը։
Ըստ Սուրենյանցի՝ նախագահի կարծիքը որոշիչ լինել չի կարող։
Մեր խնդիրներն ի վիճակի ենք լուծելու իրար հետ երկխոսելով, բանակցելով. Արմեն Սարգսյան
Հիշեցնենք՝ նախագահի աշխատակազմի Facebook-յան էջում հաղորդագրություն էր տարածվել, որում նշվում էր, որ ՀՀ նախագահ Արմեն Սարգսյանը հետևողականորեն հանդես է գալիս այն քաղաքական որոշումների ընդունման օգտին, որոնք բխում են հայկական պետականության ամրապնդման և ազգային շահերից։