ԵՐԵՎԱՆ, 23 օգոստոսի — Sputnik. Հայկական ծագում ունեցող հայտնի ռուսաստանյան երգիչ Մարտ Բաբայանը ընկել է խաբեբաների ձեռքը։ «Կոմսոմոլսկայա պրադվա» թերթը, հղում անելով իրավապահ կառույցներում իրենց աղբյուրներին, հայտնում է, որ երգիչը 2017 թվականի սեպտեմբերից 2018–ի դեկտեմբեր ընկած ժամանակահատվածում ավտոսերվիսի հաշվին 2 694 000 ռուբլի է փոխանցել, փոխարենը նրանք պետք է օգնեին Մարտին մեքենա գնել։
Բաբայանը գումարը պարտաճանաչ փոխանցել է, բայց մեքենաներն այդպես էլ չի ստացել։ 2019–ի ապրիլին նա ոստիկանություն է դիմել։
Անցած չորեքշաբթի` օգոստոսի 21–ին, իրավապահ մարմինները Սանկտ Պետերբուրգի մոտակայքում գտնվող Պուշկին քաղաքում ձերբակալել են ավտոսերվիսի 53–ամյա գլխավոր տնօրենին։
Թոռնիկ ունենալն իմ այն երազանքն էր, որ անկատար մնաց․ անկեղծ զրույց Լևոն Մալխասյանի հետ
Մեղքը հաստատող բազում փաստերի պատճառով տղամարդը միանգամից ինքնախոստովանական ցուցմունք է տվել։ Առանձնահատուկ խոշոր չափի վնաս պատճառելու մասին գործի քննությունը շարունակվում է։