ԵՐԵՎԱՆ, 22 Օգոստոս — Sputnik. Երեկ Երևանում թալանել են «Հիդրոէլեկտրամոնտաժ» ՓԲԸ կոմերցիոն տնօրենին` Ռուբեն Խանգոյանին՝ հափշտակելով 20 հազար դոլար։ Այս մասին հայտնում է Shamshyan.com-ը։
«Ոստիկանության Շենգավիթի բաժին ահազանգ է ստացվել, որ օգոստոսի 20-ի ժամը 17:00-ից մինչև օգոստոսի 21-ի ժամը 09:00-ն ընկած ժամանակահատվածում անհայտ անձը կամ անձինք գողություն են կատարել օգտվելով Արցախի պողոտա 4-րդ նրբանցքի 6-րդ հասցեում գործող «Հիդրոէլեկտրամոնտաժ» ՓԲԸ-ից»,–նշված է կայքում։
Շենքի 2-րդ հարկի պատուհանի բաց լինելու հանգամանքից օգտվելով` անհայտ անձը կամ անձինք Խանգոյանի աշխատասենյակում եղած չհրկիզվող պահարանը դուրս են նետել, իսկ հետո միջից հափշտակել 20 հազար ԱՄՆ դոլար:
Փաստի առթիվ հարուցվել է քրեական գործ:
Հայաստանից մեկնելու ժամանակ ՌԴ քաղաքացու ճամպրուկից թանկարժեք իրեր են կորել