ԵՐԵՎԱՆ, 20 օգոստոսի — Sputnik. ՀՀ վարչապետ Նիկոլ Փաշինյանը նոր խորհրդական ունի։ Այս մասին նա գրել է Facebook սոցիալական ցանցի՝ իր պաշտոնական էջում։
«Ինչպես և պայմանավորվել էինք՝ Կալավանի Ռոբերտ Ղուկասյանը նշանակվում է ՀՀ վարչապետի խորհրդական: Արդյունավետ աշխատանք եմ մաղթում»,–գրել է նա։
Հիշեցնենք, որ հուլիսի 21–ին ՀՀ վարչապետ Նիկոլ Փաշինյանն իր արձակուրդի շրջանակներում այցելել էր Կալավան, զրուցել Ռոբերտ Ղուկասյանի հետ։ Ծանոթանալով Ռոբերտի` Կալավանի զարգացման ծրագրի հետ` վարչապետը որոշել էր նրան իր խորհրդականը նշանակել` այլ գյուղերում էլ այդ փորձը ներդնելու համար։
Միակ աշակերտ, ինքնուս հնագետ, վարչապետի խորհրդական. մանրամասներ կալավանցի Ռոբերտի կյանքից
Sputnik Արմենիան այցելել էր Կալավան, զրուցել Ռոբերտ Ղուկասյանի հետ ու իմացել` ինչպես է նա Կալավանում կարողացել հաջողության հասնել ու նպաստել գյուղի զարգացմանը։