Տավուշի մարզպետի անվտանգության գծով խորհրդական Նիկոլայ Գրիգորյանը Sputnik Արմենիայի հետ զրույցում խոսել է Տավուշի մարզի՝ սահմանամերձ Չինարի գյուղի անվտանգության մասին, ինչպես նաև անդրադարձել է հայկական դիրքերի բարելավման թեմային։
Ըստ Գրիգորյանի՝ դա այն ոլորտն է, որտեղ յուրաքանչյուր բառ, նախադասություն, թիվ ու այլ տվյալներ պետք է տարածեն այն մարդիկ, ովքեր կոչված են այդ տեղեկատվությունը տարածելուն։
«Ես վստահ եմ, որ պատերազմող երկրի տեղեկատվական հոսքերի, մասնավորապես կապված`սահմանների, պատերազմական գործողությունների, զոհերի ու վիրավորների հետ, պետք է աշխատեն, տարածեն այն մարդիկ, ովքեր կոչված են այդ տեղեկատվությունը տարածելու»,–ասում է Տավուշի մարզպետի անվտանգության գծով խորհրդականը։
«Հոդվածը պատվիրված է». Բաբայանի գրասենյակը պատասխանել է «սոցցանցերում թափառող լուրերին»
Նիկոլայ Գրիգորյանը հորդորում է, որ պետք է բավարարվել ՊՆ-ի տված ինֆորմացիայով, ընդունել ու հենց այն տարածել։
«Նման իրավիճակներում մենք պետք է վստահենք ու հավատանք ՊՆ տեղեկատվությանը, քանի որ դա միայն մեր ականջի համար չէ, այլ նաև հակառակորդի հետ տարվող տեղեկատվական պատերազմի բաղկացուցիչն է»,–ասում է Գրիգորյանը։
Նիկոլայ Գրիգորյանը շեշտում է, որ պատերազմող երկրի տեղեկատվության պատասխանատուն ՊՆ–ն է։
Հայոց բանակի գեներալը հայի վրա կրակելու հրաման չէր տա. Միքայելյանն` Օգանովսկու մասին