ԵՐԵՎԱՆ, 20 օգոստոսի — Sputnik. Փրկարարներից մեկը տուժել է «Ձյունիկ սառնարան» ՍՊԸ-ում բռնկած հրդեհը մարելիս։ Արտակարգ իրավիճակների նախարարության աշխատակիցները ավելի քան մեկ օր պայքարում են կրակի հետ։ Sputnik Արմենիայի թղթակցի հետ զրույցում այս մասին հայտնեցին դեպքի վայրից։
Տվյալների համաձայն` փրկարարի ոտքը մնացել էր հրշեջ մեքենայի սանդուղքի տակ։ Նրան ցուցաբերվել է առաջին բուժօգնություն։ Այժմ սպասում են «Շտապօգնության» բրիգադի ժամանմանը։
Նշենք, որ Հրդեհի մարումն իրականացվում է անմիջապես ԱԻՆ նախարար Ֆելիքս Ցոլակյանի վերահսկողությամբ։ Դեպքի վայրում աշխատում է 11 մարտական հաշվարկ, 3 հրշեջ ավտոսանդուղք։
Սյունիքի անտառներում բռնկված հրդեհը տարածվել է կիլոմետրերով. նոր մանրամասներ, տեսանյութ
Հրդեհը տարածվել է երրորդ, չորրորդ և հինգերորդ հարկերում, յուրաքանչյուրը 740 քմ է։ Փրկարարներին արդեն հաջողվել է մարել կրակը երրորդ հարկում, իսկ չորրորդ հարկում առանձին օջախներ են մնում։ Խնդիր է առաջացել հինգերորդ հարկի հետ, որտեղ ջերմաստիճանը հասնում է 1000–ի։