ԱՄՆ-Իրան հակամարտության այս փուլում գործ ունենք զուտ հիբրիդային պատերազմի հետ։ Այդ մասին Sputnik Արմենիայի հետ զրույցում ասաց իրանագետ Արտյոմ Տոնոյանը։
Նրա խոսքով` իրանական կողմը` ունենալով պատժամիջոցների հետ աշխատելու փորձառություն, կարողանում է շատ արագ հմտանալ։
«Իմ համոզմամբ, հայտարարության ամբողջ իմաստը երկրորդ հատվածն է, որտեղ իրանական կողմն ասել է, որ տնտեսական վնասներ է կրում և այդ պատճառով էլ գնում է բանակցությունների»,–ասաց նա։
Տոնոյանը վստահ է`եթե իրանական կողմը գնա ԱՄՆ–ի հետ բանակցությունների, ապա զուտ ժամանակ շահելու նպատակով։
«Էական փոփոխություն իրավիճակում չի լինելու և չեմ կարծում, որ իրանական կողմը կընդունի ԱՄՆ–ի պահանջներից որևէ մեկը»,–ասում է Տոնոյանը։
«Պուտինը հիանալի տղա է, հանդիպումը հրաշալի անցավ». Թրամփ
Հիշեցնենք, իրանական «Թասնիմ» լրատվական գործակալության փոխանցմամբ, Իրանի արտաքին գործերի նախարար Մոհամադ Ջավադ Զարիֆը փոխգործակցության կոչ է արել տարածաշրջանի պետություններին՝ հայտարարելով, որ ի վերջո օտարերկրացիները ստիպված են լինելու լքել տարածաշրջանը։ Օրերս էլ Միացյալ նահանգների նախագահ Դոնալդ Թրամփը հայտարարել էր, որ Թեհրանն ուզում է Վաշինգտոնի հետ նոր գործարք կնքել, քանի որ պատժամիջոցները մեծ վնաս են հասցնում Իրանի տնտեսությանը։ ԱՄՆ–ի և Իրանի հարաբերությունները կտրուկ սրվեցին, երբ Վաշինգտոնը հայտարարեց «միջուկային գործարքից» դուրս գալու մասին։