ԵՐԵՎԱՆ, 18 օգոստոսի — Sputnik. Օգոստոսի 18-ին, ժամը 16–ի սահմաններում Սևանի 2-րդ հանրային լողափում հերթապահություն իրականացնող փրկարարներն ափից շուրջ 25 մ հեռավորության վրա նկատել են ռետինե նավակով կողաշրջված երկու քաղաքացու: Այդ մասին հայտնում է ՀՀ արտակարգ իրավիճակների նախարարությունը։
Օգնության հասած ջրափրկարարները ջրից դուրս են բերել 26-ամյա Դավիթ Ս.-ին և 28-ամյա Սերգեյ Մ.-ին։
Տուժածներին հոսպիտալացնելու կարիք չի եղել:
Գրեթե նույն ժամին`15:08-ի սահմաններում, Շորժայի ափին`մեկ այլ հանրային լողափում փրկարարներն ափից 200 մ հեռավորության վրա նկատել են ռետինե նավակով կողաշրջված երկու քաղաքացու:
Փրկարարները հաջողվել է ջրից անվնաս դուրս բերել 22-ամյա Հովհաննես Չ.-ին և Հովհաննես Մ.-ին. նրանք ևս բուժօգնության կարիք չեն ունեցել: