ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանը որոշել է Երևան այցելած զբոսաշրջիկներին անձամբ ներկայացնել մայրաքաղաքում եղած տեսարժան վայրերը։
Նա օտարերկրացի զբոսաշրջիկների հետ ավտոբուսով զբոսնում է Երևանի փողոցներով և նրանց ծանոթացնում մայրաքաղաքի տեսարժան վայրերին։ Կառավարության ղեկավարն օտարերկրացիների հետ անգլերեն է հաղորդակցվում։
Վարչապետը մայրաքաղաքի հյուրերին ներկայացնում է քաղաքի և Արգիշտի արքայի պատմությունը։
Մայրաքաղաքով ճամփորդությունը հեռարձակվում է վարչապետի Facebook-յան էջի ուղիղ եթերով։ Տուրի արդյունքում կնկարահանվի ֆիլմ։ Փաշինյանին ուղեկցում է դուստրերից մեկը` Շուշանը։