Ռուս զբոսաշրջիկները զվարճանում են, Քարդաշյանի քույրը` հանգստանում. տեսանյութ

ԵՐԵՎԱՆ, 10 օգոստոսի — Sputnik. Հանրահայտ հեռուստաաստղ Քիմ Քարդաշյանի քույրը` Քայլի Ջեները, որոշել է ընտանեկան ընթրիք կազմակերպել Կապրի կղզում գտնվող Conca del Sogno ռեստորանում։ Սոցցանցերի աստղը հանգստանալու է մեկնել փեսացուի՝ Թրևիս Սքոթի ու մոր՝ Քրիս Ջեների հետ։ Նրանք տեղավորվել են Capri Tiberio Palace հյուրանոցում, որտեղ սիրում են հանգստանալ նաև ռուս զբոսաշրջիկները։ Super. ru-ի լրագրողը տեսանյութ է ուղարկել Կապրի կղզուց։

Տեսանյութում երևում է, որ ընտանիքը հանգիստ նստած է ռեստորանում։ Թեև Քարդաշյան ընտանիքի անդամները միշտ թիկնապահներով են շրջում, այս անգամ ընտանիքը որոշել է մեկուսանալ, ու նրանց սեղանի մոտ ոչ մի թիկնապահ չի երևում։

Քիմ Քարդաշյանի քրոջ` Քայլի Ջենների ավտոմեքենաների տեսականին

Ինչ–որ պահի նրանց ուշադրության կենտրոնում են հայտնվում հարևան սեղանի մոտ նստած ռուս զբոսաշրջիկները, որոնք զվարճանում են Տիմատիի երգերից մեկի տակ։ Թրևիսն ու Քայլին նույնիսկ հանում են հեռախոսները, որպեսզի նկարեն՝ ինչպես են մատուցողները կոկտեյլ սարքում ու մատուցում ռուսաստանցի զբոսաշրջիկներին։

Քարդաշյանները տոնում են Keeping Up with the Kardashians ռեալիթի շոուի 16–ամյակը