Հայկական կինոն նյարդայնացնում է թուրքերին ու ադրբեջանցիներին: Եվ Անկարան, և՛ Բաքուն միևնույն ժամանակ բողոքել են ֆիլմերից։ Ադրբեջանի մշակույթի նախարարությունը դիմելու է Ռուսաստանի Մշակույթի նախարարությանը` իր բողոքն արտահայտելով Արցախում հայ և ռուս ռեժիսորների նկարահանումների դեմ:
Ամերիկյան «Netflix» ընկերության նկարահանած «Ուրիշ կյանք» հեռուստասերիալի սերիաներից մեկում էլ անդրադարձ է եղել Հայոց ցեղասպանությանը։
Սերիալի կերպարներից մեկը խոսում է իր հայկական ծագման մասին ու պատմում, որ իր տատիկը ցեղասպանությունից փրկվելու համար երեխաների հետ անցել է անապատների միջով։
Այս դրվագը չի վրիպել Թուրքիայի Ռադիոյի և հեռուստատեսության բարձրագույն խորհրդի (RTÜK) ուշադրությունից, որը մեղադրել է ամերիկյան ընկերությանը բացահայտ կերպով Հայոց ցեղասպանության եղելությունը քարոզելու մեջ։