ԵՐԵՎԱՆ, 10 օգոստոսի — Sputnik. Միխայիլ Գալուստյանը Instagram-ի իր էջում լուսանկար է հրապարակել, որում ինքն ու Սոչիի իր ընկերները ռազմական հագուստով ու զենքով են։
Ընկերներով որոշել են ֆայերթագ խաղալ: Սա սթրայքբոլի նման ռազմամարտավարական խաղ է, բայց պլաստիկե կամ կարմրացնող գնդակների փոխարեն հակառակորդին հարվածելու համար ինֆրակարմիր ճառագայթ է կիրառվում։
«Դաժան ու անգութ ֆայերթագ։ Հայաստանի հավաքականն ընդդեմ Սոչիի հավաքականի։ Երկու կողմից էլ մեծամասամբ հայեր են։ Ախուն լեռ։ Լքված ռեստորանը հիանալի քարտեզ է։ Կիսատարերային զորավարժարան»,-լուսանկարին կից գրել է Գալուստյանը:
Ի դեպ, Միխայիլի հետ «պատերազմ խաղալու» է գնացել նաև նրա եղբայրը։
«Միշա, մեջքիդ հետևում վերևից կանգնած մորուքավորը եղբա՞յրդ է»,-հարցրել է բաժանորդ brykdmitrii-ն։
«Այո»,-պատասխանել է Գալուստյանը։
Միխայիլ Գալուստյանին զայրացրել են ամուսնալուծության մասին լուրերը. տեսանյութ
Գալուստյանն, ինչպես հայտնի է, սթրայքբոլի մոլի սիրահար է։ Սթրայքբոլը թիմային ռազմամարզային խաղ է, որում արտաքուստ իսկականին շատ նման զենք է օգտագործվում, բայց այն պլաստմասսե գնդակներով է կրակում։ Ավելին՝ Գալուստյանը Ռուսաստանի ռազմամարտավարական խաղերի ֆեդերացիայի նախագահն է։
«Գալուստյանը կսնանկացնի ՏՆՏ–ն». Սեմյոն Սլեպակովը` «Նաշա Ռաշայի» նոր սեզոնի մասին