ԵՐԵՎԱՆ, 10 օգոստոսի — Sputnik. Երեկ պարեկային ոստիկանները «Մետրոպոլ» հյուրանոցի մոտից դանակահարված երկու տղամարդու են արագ հասցրել «Աստղիկ» բժշկական կենտրոն։ Sputnik Արմենիայի տեղեկություններով` պարզվել է, որ նրանց որովայնին ու կրծքավանդակին կտրած-ծակած վնասվածքներ կան։
Տղամարդկանց վիճակը ծանր է, և նրանք ի վիճակի չեն եղել որևէ բան հայտնել իրենց հետ տեղի ունեցածի մասին։ Ըստ լուրերի` Կենտրոնի ոստիկանները պարզել են, որ նրանք և նրանց մտերիմը Հաղթանակ կամրջի մոտ գտնվող «Միկա» չգործող բենզալցակայանի հետնամասում կերել-խմել են, որի ժամանակ վեճ է ծագել։ Տղամարդկանցից մեկը դանակով մի քանի հարված է հասցրել մյուսներին։ Արնաշաղախ տղամարդիկ մեծ դժվարությամբ դուրս են եկել փողոց ու պարեկայիններից օգնություն խնդրել։
Արտառոց դեպք Երևանում. շինարարներից մեկը մկրատի բազմաթիվ հարվածներ է հասցրել մյուսին
Sputnik Արմենիայի տեղեկություններով՝ դանակահարողը հայտնաբերվել ու բերման է ենթարկվել։
Արտառոց դեպք Լոռիում. տղամարդը կրակել է կատաղած շանը, բայց վնասել 9-ամյա աղջկան