ԵՐԵՎԱՆ, 9 օգոստոսի — Sputnik. ՀՀ վարչապետ Նիկոլ Փաշինյանը Facebook սոցիալական ցանցի իր էջում լուսանկար է հրապարակել Ռուսաստանի վարչապետ Դմիտրի Մեդվեդևի հետ։
«Վարչապետական սելֆի»,– այսպես է լուսանկարը վերնագրել Փաշինյանը։
Լուսանկար երևում է նաև ՀՀ նախկին վարչապետ Տիգրան Սարգսյանը, որն այժմ Եվրասիական տնտեսական հանձնաժողովի նախագահն է։
«Եվ դարից երկար ձգվում է օրը». Փաշինյանը Ղրղզստանում սելֆի է արել արձանի հետ. լուսանկար
Հիշեցնենք, որ այսօր Հայաստանի և Ռուսաստանի վարչապետներ Նիկոլ Փաշինյանն ու Դմիտրի Մեդվեդևը Ղրղզստանում կայացած հանդիպման ժամանակ քննարկել են հայ-ռուսական ռազմավարական հարաբերություններին առնչվող հարցերի լայն շրջանակ, անդրադարձել երկկողմ գործակցության ընթացիկ օրակարգին։
Հանդիպման ընթացքում Հայաստանի և Ռուսաստանի վարչապետներն անդրադարձել են գազի, ատոմային էլեկտրակայանի, ավիափոխադրումների ոլորտում համագործակցության, ինչպես նաև երկկողմ հարաբերությունների օրակարգային մի շարք այլ հարցերի։