ԵՐԵՎԱՆ, 9 օգոստոսի — Sputnik. Եվրասիական տնտեսական միության շրջանակում նախատեսում են անդրազգային ընկերություններ ստեղծել։ Այս մասին հայտնել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը Ղրղզստանում անցկացվող Եվրասիական միջկառավարական խորհրդի նիստից հետո կայացած ճեպազրույցի ժամանակ։
«Եվրասիական տնտեսական միությունում նոր իրավաբանական տարածք կձևավորվի անդրազգային ընկերությունների համար։ Կոլեգիային հանձնարարվել է համապատասխան աշխատանք տանել օրենսդրական այդ դաշտի գործողությունների շրջանակը որոշելու նպատակով», – նշել է նա։
Ապագայում նախատեսվում է որոշել, ինչ արտոնություններ են տրամադրվելու ընկերություններին, որոնք իրենց գործունեությունը կծավալեն Եվրասիական տնտեսական միության տարածքում։ Սարգսյանը պարզաբանեց, որ նման խոշոր եվրասիական ընկերությունների ստեղծումը միտված է ԵԱՏՄ–ից արտահանման ծավալների մեծացմանը։Հայաստաննայս տարի նախագահում է ԵԱՏՄ մարմիններում։
«Եվ դարից երկար՝ ձգվում է օրը». Փաշինյանը Ղրղզստանում սելֆի է արել արձանի հետ. լուսանկար
Օգոստոսի 9-ին Հայաստանի վարչապետը՝ որպես ԵԱՏՄ մարմիններում նախագահող երկրի ղեկավար, մասնակցում է Եվրասիական միջկառավարական խորհրդի նիստի աշխատանքներին։ Աշխատանքային այցի շրջանակում նախատեսվում են վարչապետ Նիկոլ Փաշինյանի հանդիպումները Ղրղզըստանի նախագահ Սոորոնբայ Ժեենբեկովի և ՌԴ կառավարության նախագահ Դմիտրի Մեդվեդևի հետ։