ԵՐԵՎԱՆ, 8 օգոստոսի – Sputnik. Գյումրիում հայտնաբերել են ենթասպա Սամվել Գառնիկի Մեժլումյանի կախված դին։ Facebook սոցիալական ցանցի իր էջում այս մասին գրել է ՊՆ մամուլի խոսնակ Արծրուն Հովհաննիսյանը։
«Ցավալի լուր։ Գյումրիում, տանը հայտնաբերվել է ենթասպա, զորամասերից մեկի նվագախմբի ծառայող Սամվել Գառնիկի Մեժլումյանի կախված դին»,– գրել է նա:
Հովհաննիսյանն այլ մանրամասներ չի հայտնում։
Զոհված զինծառայողների տասնյակ ընտանիքներ դուրս են մնացել տուն ստանալու ցուցակից. Մարոզյան
Sputnik Արմենիայի տեղեկություններով՝ դեպքը տեղի է ունեցել երեկ։ Քաղաքացիները տեսել են, որ Չերքեզի ձոր կոչվող տարածքում ծառից կախված մարդ կա։ Անմիջապես ահազանգել են շտապօգնություն։ Ժամանած խումբն արձանագրել է տղամարդու մահը և տեղեկությունը փոխանցել իրավապահներին։ Ըստ տեղեկությունների՝ մետաղալարով կախված տղամարդն ապրում էր Գյումրիում, 32 տարեկան էր և որպես պայմանագրային ծառայում էր ՀՀ ՊՆ Գյումրիում գտնվող զորամասերից մեկում։ Իրավապահները պարզում են այդ ծայրահեղ քայլին դիմելու պատճառները։ Այս պահին որևէ հստակ վարկած չի շրջանառվում։
Հայաստանում զոհված զինծառայողը 1.5 տարի առաջ էր ՌԴ–ից վերադարձել. մանրամասներ