ԵՐԵՎԱՆ, 6 օգոստոսի — Sputnik. Կոտայքի Վերին Պտղնի գյուղում միայնակ ապրող մի կին ավազակային հարձակման է ենթարկվել։
Sputnik Արմենիայի տեղեկություններով՝ վաղ առավոտից մեծ թվով ոստիկաններ ու իրավապահ այլ կառույցների ծառայողներ Վերին Պտղնի գյուղում միջոցառումներ են ձեռնարկում։
Ըստ գյուղում շրջանառվող որոշ լուրերի՝ միայնակ ապրող մի կինը տնից դուրս է եկել առօրյա գործերը սկսելու, և դիմակավորված մեկը հարձակվել է նրա վրա։ Հարձակվողի ձեռքին ատրճանականման առարկա է եղել։
Կինը հետ է փախել է տուն, հարձակվողը հետապնդել է ու վզից պոկել ոսկյա շղթան, վերցրել մի քանի հարյուր հազար դրամ ու փախել։ Ահաբեկված կինը տեղեկացրել է հարևաններին, որոնք էլ ահազանգել են իրավապահներին։ Դեպքի հանգամանքները պարզվում են։