Վարչապետ Նիկոլ Փաշինյանի նախկինում արտահայտած տեսակետների և Ստեփանակերտում հնչեցրած «Արցախը Հայաստանն է և վերջ» ելույթի հիմքում հռետորական հարցադրում է»,– այդ մասին Sputnik Արմենիայի հետ զրույցում ասաց քաղաքագետ Սուրեն Սուրենյանցը։
«Կարծում եմ, պետք չէ վարչապետի քաղաքական հայտարարություններն ու Արցախում հրավիրած հանրահավաքի ժամանակ նրա զգացմունքայնությունը հակադրել նախկինում արած հայտարարություններին»,–նշեց Սուրենյանցը։
Սուրենյանցի խոսքով` Փաշինյանի հասցեին հնչեցրած մեղադրանքները, թե իբր նա պատրաստվում է հող հանձնել, անլուրջ են։
«Չեմ կարծում, թե վարչապետը կամ որևէ մեկը պատճառ ունեն պատասխանելու այդ անլուրջ մեղադրանքներին»,- ասաց Սուրենյանցը։
Փաշինյանը Ստեփանակերտում հայտարարեց` Արցախը Հայաստանն է, և վերջ
Քաղաքագետը հիշեցնում է, որ Լևոն Տեր-Պետրոսյանի նախագահության տարիներից ի վեր, իշխանության առաջին դեմքերին մեղադրել են հող հանձնելու համար, սակայն Արցախը մինչ օրս պահում է իր տարածքային ամբողջականությունը։