ԵՐԵՎԱՆ, 5 օգոստոսի — Sputnik. Արմավիրում 25-ամյա որդին գողացել է մոր ննջասենյակի զգեստապահարանում գտնվող զարդատուփը՝ պատճառելով մոտ 700 հազար դրամի վնաս: Այդ մասին տեղեկացնում է ՀՀ ոստիկանությունը։
Տղայի մայրը զանգահարել է ոստիկանություն և հայտնել, որ տնից անհետացել է ոսկեղենը, կարծում է՝ գողացել են:
Ոստիկանության բացատրական աշխատանքների շնորհիվ կնոջ որդին ներկայացել է բաժին և խոստովանել, որ պարտքերը մարելու համար է գողացել զարդերը, որոնց մի մասը գրավադրել է: Զարդերի մյուս մասը նա ներկայացրել է ոստիկանություն:
Նախապատրաստվում են նյութեր: