ԵՐԵՎԱՆ, 3 օգոստոսի – Sputnik. Մեծ պահանջարկ վայելող Instagram և WhatsApp սոցցանցերը կվերանվանեն. այդ հավելվածների անվանման մեջ կավելացվի «from Facebook» արտահայտությունը` այդ սոցցանցին պատկանելը շեշտելու համար։ Այս մասին գրում է The Information պարբերականը։
Նշվում է, որ Facebook ընկերությունն այդ քայլով ուզում է բարելավել իր իմիջը համանուն սոցցանցի օգտատերերի անձնական տվյալների արտահոսքի հետ կապված աղմկահարույց պատմությունների ֆոնին։
Նոր անվանումները կերևան Apple և Google Play հավելվածների խանութներում, ինչպես նաև Instagram և WhatsApp սոցցանցերի ներսում, սակայն սմարթֆոնների էկրաններին ամեն ինչ առաջվա պես կլինի։
Ո՞վ է ուզում Գոգեն դառնալ. խզբզոցը հնարավոր է իրական գլուխգործոցի վերածել
Հիշեցնենք, որ ԱՄՆ-ի Առևտրի դաշնային հանձնաժողովը (FTC) Facebook դեմ հետաքննություն էր սկսել 2018թ.-ի մարտին, երբ պարզ էր դարձել, որ ընկերությունը 87 մլն օգտատիրոջ անձնական տվյալներ է փոխանցել նախընտրական քարոզարշավի ժամանակ ԱՄՆ նախագահ Դոնալդ Թրամփի հետ համագործակցող Cambridge Analytica ընկերությանը: Ստացված տվյալների հիման վրա մասնագետները գնահատել էին մարդկանց քաղաքական նախապատվությունները և այնպիսի գովազդներ ցուցադրել, որոնք համընկնում էին նրանց հետաքրքրություններին: