ԵՐԵՎԱՆ, 2 օգոստոսի — Sputnik. Այսօր հրազենային վնասվածքով Արմավիր քաղաքի հիվանդանոց է տեղափոխվել նույն մարզի 29-ամյա մի երիտասարդ։
Sputnik Արմենիայի տեղեկություններով՝ նա և երկու ընկերներն այսօր որսի են գնացել Արմավիրի մարզի Մրգաշատ գյուղի մոտակայքում գտնվող դաշտերը։
Վերադարձի ճանապարհին հիվանդանոց տեղափոխված երիտասարդի շունը հարձակվել է ընկերներից մեկի վրա։ Նա հրացանի խզակոթով հարվածներ է հասցրել իր շանը։ Այդ ընթացքում կրակոց է արձակվել, որը դիպել է որովայնին։
Տղամարդուն անմիջապես տեղափոխել են Արմավիրի հիվանդանոց։ Մեր տեղեկություններով՝ վիրավորն այս պահին տեղափոխվում է մայրաքաղաք՝ «Աստղիկ» բժշկական կենտրոն։ Իրավապահները պարզում են դեպքի հանգամանքները։