ԵՐԵՎԱՆ, 2 օգոստոսի – Sputnik. ՀՀ վարչապետ Նիկոլ Փաշինյանը օգոստոսի 5-ին ելույթ է ունենալու Ստեփանակերտի Վերածննդի հրապարակում։ Այսօր նա այս մասին ասաց Facebook սոցիալական ցանցի ուղիղ եթերում։
Արթուր Ալեքսանյանը վառեց Համահայկական 7-րդ խաղերի երկրորդ ջահը. լուսանկարներ
«Բոլորին ողջունում եմ Սևանից,– ասաց նա, – օգոստոսի 6-ին Ստեփանակերտում տեղի է ունենալու շատ կարևոր իրադարձություն` Համահայկական խաղերի բացումը, և այդ առիթով հավաքվելու են հայության բոլոր հատվածների ներկայացուցիչները։ Սա շատ լավ առիթ խոսելու մեր համազգային միասնության և մարտահրավերների մասին։ Այս կապակցությամբ մտադիր եմ օգոստոսի 5-ին, 19։00-ին ելույթ ունենալ Ստեփանակերտի Վերածննդի հրապարակում։ Սիրով հրավիրում են ներկա լինելու, կարծում եմ` շատ կարևոր խոսակցություն է լինելու»։
Փաշինյանը նշեց, որ ելույթի ընթացքում կանդրադառնա առանձին հարցերի,բայց ընդհանուր առմամբ նպատակը լինելու է համազգային միասնության մի կարևոր արձանագրում անելը և դրանից բխող հետևություններ անելը։
Համահայկական խաղերին մի քանի երկիր մասնակիցների աննախադեպ մեծ թվով են ներկայանալու
«Առանձնահատուկ սիրով եմ հրավիրում Արցախի մեր հայրենակիցներին, որովհետև նման ձևաչափով նրանց հետ հանդիպում չի եղել։ Նրանց աչքերի մեջ ուղիղ նայելով` խոսելու եմ մեր այսօրվա իրավիճակի և վաղվա անելիքների մասին»,– ասաց վարչապետը։
Հիշեցնենք` Փաշինյանը հուլիսի 22-ից արձակուրդում է։