ԵՐԵՎԱՆ, 1 օգոստոսի – Sputnik. Երևանի փորձից ոգեշնչված` Ստեփանակերտի գործընկերները քաղաքի կենտրոնական փողոցներից մեկում կիրառել են 3D հետիոտնային գծանշման փորձը։ Facebook սոցիալական ցանցի իր էջում այս մասին գրել է Երևանի քաղաքապետի մամուլի քարտուղար Հակոբ Կարապետյանը։
Tesla-ի վարորդները կկարողանան իրենց մեքենայի հետ շախմատ խաղալ ու սերիալ դիտել
«Ու առաջին անցումը ստեփանակերտցիների մոտ ավելի լավ է ստացվել, քան երևանցիների (էդպես պատահում է)»,– գրել է նա` նշելով, որ գծանշումն արվել է Վազգեն Սարգսյան փողոցում։
Ըստ Կարապետյանի` 3D անցումներով հետաքրքրված են նաև Աբովյանում, հայ մասնագետներից խորհրդատվություն են հարցրել նաև Թբիլիսիի գործընկերները։
Ինչ վերաբերում է Երևանին, ապա, նրա խոսքով, դրանք առաջիկայում կավելանան։
Հիշեցնենք` հուլիսի 16-ին Կարապետյանը հայտնել էր, որ Երևանի Սուրբ Գրիգոր Լուսավորիչ փողոցում 3D հետիոտնային անցում է գծվել։
3D անցումը վարորդի համար տեսողական պատրանք է ստեղծում, որ դիմացը արգելք կա և ստիպում է նվազեցնել արագությունը։
Վայ–վարորդները կզրկվեն վարորդական իրավունքից. Հայաստանում մտադիր են խիստ օրենք ընդունել