ԵՐԵՎԱՆ, 30 հուլիսի — Sputnik. «Արարատ-Արմենիան» դուրս եկավ Եվրոպա լիգայի որակավորման երրորդ փուլ:
Այս մասին տեղեկացնում է Armsport–ը։
Հեղինակավոր մրցաշարի որակավորման երկրորդ փուլում Հայաստանի Բարձրագույն խմբի չեմպիոնը հանդիպել էր Ջիբրալթարը ներկայացնող «Լինկոլն Ռեդ Իպսին»:
Առաջին խաղը կայացել էր Երևանում, որտեղ Վարդան Մինասյանի թիմը հաղթել էր 2-0 հաշվով:
Պատասխան խաղում էլ «Արարատ-Արմենիան» առանց մեծ դժվարությունների հաղթանակի հասավ 2-1 հաշվով:
Առաջին խաղակեսում երկու թիմերն էլ ակտիվ էին, «Լինկոլնը» նույնիսկ մեկ անգամ շատ լուրջ սպառնաց Չուպիչի դարպասին, սակայն առաջին 45 րոպեի ընթացքում հաջողության հասավ երևանյան թիմը: 46-րդ րոպեին Սանոգոյի փոխանցումից հետո աչքի ընկավ Օգանան:
Երկրորդ խաղակեսում էլ թիմերը փոխանակվեցին մեկական գոլով: Նախ, 58-րդ րոպեին Նարսինգի փոխանցումից հետո գոլով աչքի ընկավ Օգանան՝ իր հաշվին դուբլ գրանցելով:
Ֆուտբոլասերներն ու երաժշտասերները` մեկ հարթակում. մեկնարկեց NOAH FEST-փառատոնը
Տանտերերի կազմում հեղինակության գոլը 74-րդ րոպեին խփեց Էրնանդեսը:
Այսպիսով, «Արարատ-Արմենիան» երկու խաղերի արդյունքում հաղթեց 4-1 հաշվով դու հաջորդ փուլի ուղեգիր նվաճեց:
Որակավորման երրորդ փուլում Վարդան Մինասյանի թիմը կմրցի «Սաբուրթալո» – Զագրեբի «Դինամո» զույգի պարտվողի հետ: