ԵՐԵՎԱՆ, 29 հուլիսի – Sputnik. Թուրքիայի Սիվաս նահանգի Գյուրուն բնակավայրում (պատմ.՝ Սեբաստիա, Կյուրինի գավառակ) գտնվող հայկական եկեղեցին վերանորոգումից հետո գործելու է որպես թանգարան։ Այս մասին հայտնում է Ermenihaber.am կայքը:
19-րդ դարում կառուցված հայկական եկեղեցին կանգնած է փլուզման վտանգի առաջ։
Այժմ եկեղեցին վերանորոգվում է։ Աշխատանքների համար հատկացվել է 3 միլիոն 684 հազար թուրքական լիրա:
Գյուրուն բնակավայրի քաղաքապետ Նամի Չիֆթչին ասել է, որ հայկական եկեղեցին վերանորոգումից հետո օգնելու է զբոսաշրջության զարգացմանը։
Պատմական արդարությունը վերականգնվել է. Սուրբ Նիկողայոս վանքը փոխանցվել է հայ համայնքին
Կյուրին բնակավայրը 20-րդ դարի սկզբին ունեցել է ընդհանուր առմամբ 3000 տուն բնակիչ, որից 1550-ը՝ հայեր: Հայերն այստեղ զբաղվել են առևտրով, երկրագործությամբ և արհեստներով: Բնակավայրում կար մեկ քարաշեն հայկական եկեղեցի և մեկ դպրոց: 1915 թ.-ին Կյուրինի հայ բնակչությունը ենթարկվել է ցեղասպանության՝ տարագրվել և բնաջնջվել:
Հայաստանի հյուսիսի տեսարժան վայրերը, կամ ինչո՞վ է զբոսաշրջիկներին գրավում Լոռին