ԵՐԵՎԱՆ, 29 Հուլիս — Sputnik. Հուլիսի 28-ին ձախ արմնկային շրջանում հրազենային վնասվածքով Նոյեմբերյանի ԲԿ է տեղափոխվել 33-ամյա պայմանագրային զինծառայող: Sputnik Արմենիային այս մասին հայտնեցին Նոյեմբերյանի բժշկական կենտրոնից:
«Պայմանագրային զինծառայող Վլադիմիր Օսիպյանը վիրավորվել է հակառակորդի կրակոցների հետևանքով։ Նա հրազենային վնասվածք է ստացել ձախ արմնկային շրջանում։ Զինծառայողի առողջական բավարար է, նրա կյանքին վտանգ չի սպառնում»,- հայտնեցին բժշկական կենտրոնից:
Զինծառայողին տեղափոխում են Երևանի զինվորական կենտրոնական հոսպիտալ։
Նոյեմբերյանի ԲԿ–ից տեղեկացրին նաև, որ տղան Նոյեմբերյանի բնակիչ է, Զորական գյուղից։
Հիշեցնենք, որ երեկ ՀՀ սահմանի հյուսիսարևելյան հատվածում հակառակորդի կրակոցից զոհվել էր ՀՀ ԶՈւ պայմանագրային զինծառայող, 1995թ. ծնված Արման Արայիկի Բուլղադարյանը։ Իսկ հուլիսի 27–ին ՀՀ պետական սահմանի հյուսիսարևելյան հատվածում` Տավուշի մարզում, վիրավորվել էր մարտական հերթապահություն իրականացնող մեկ այլ զինծառայող։