ԵՐԵՎԱՆ, 29 հուլիսի – Sputnik. Արարատի մարզի Հովտաշեն գյուղի տարածքում բնակվող և անհայտ պատճառով աղտոտված արագիլներին հերթական անգամ մաքրել են կեղտից։ Այս մասին հայտնում է ՀՀ շրջակա միջավայրի նախարարությունը։
Նախարարի իրավախորհրդատու, «Թի-Էս-Ի Դեպի Կայուն Էկոհամակարգեր» ՀԿ-ի տնօրեն Կարեն Աղաբաբյանն ու մի խումբ կամավորները թռչունների մաքրման աշխատանքներն իրականացրել են երեկ` հուլիսի 28-ին։
Հովտաշենի արագիլներն այլևս սոված չեն, բայց նրանց ձագերը կարող են սատկած լինել
«Ակտիվ աշխատանքներ են ընթանում նաև աղտոտման աղբյուրի բացահայտման նպատակով։ Մոտ օրերս պատրաստ կլինեն լաբորատոր հետազոտությունների արդյունքները»,– նշված է հաղորդագրության մեջ։
Նախարարությունը վստահեցնում է, որ արագիլների մաքրման աշխատանքները պարբերական բնույթ են ունենալու։
Հիշեցնենք՝ շուրջ 2 շաբաթ առաջ սոցիալական կայքերում տեղեկություններ տարածվեցին, որ Արարատի մազի Հովտաշեն համայնքի տարածում ապրող արագիլներն աղտոտված են ու չեն կարողանում թռչել։
Որոշ ենթադրությունների համաձայն` արագիլներն աղտոտվել են Հրազդան գետը լցված արտադրական թափոններից։ Բայց հարցի վերջնական պատասխանը կտա գետի ջրից ու կենդանիների փետուրներից վերցված նմուշների լաբորատոր փորձաքննությունը։
Աղտոտված արագիլները սովի են մատնված. նրանք չեն կարողանում թռչել ու իրենց վրա ցեխ են քսում