ԵՐԵՎԱՆ, 28 հուլիսի – Sputnik. Այսօր առավոտից Երևանի Բաղրամյանի պողոտան փակ էր։ Վարդավառի տոնի կապակցությամբ պատգամավորները պետք է գորգեր լվանային: Այս նախաձեռնության հեղինակը պատգամավոր Հռիփսիմե Գրիգորյանն է, որը, ըստ ականատեսների մի քանի րոպեով եկել է Բաղրամյանի պողոտա ու միանգամից հեռացել:
Գորգ լվացող քաղաքացիները Sputnik Արմենիայի ֆոտոթղթակցին ասել են, որ ոչ մի պատգամավոր այսօր չի եկել Բաղրամյան պողոտա և չի մասնակցել գորգ լվանալու արարողությանը։ Փոխարենը Երևանի զբոսաշրջիկներն են միացել քաղաքացիներին և սկսել են գորգեր լվանալ:
Գորգերի լվացմանը կհաջորդի Վարդավառը:
Ազգային ժողովի այգում ողջ օրվա ընթացքում կցուցադրվեն «Թուֆենկյան գորգ», «Մեգերյան կարպետ» և Հայկական գորգի ազգային կենտրոնի կողմից ներկայացվող հայկական ձեռագործ գորգեր։ Կանցկացվեն գորգագործության վարպետաց դասեր:
Միջոցառումը կեզրափակվի «Միքայել Ոսկանյան և ընկերներ» երաժշտական խմբի համերգով: