ԵՐԵՎԱՆ, 27 հուլիսի – Sputnik. ՀՀ առողջապահության նախարար Արսեն Թորոյանը և մի քանի պաշտոնյաներ այսօր մասնակցում են հեծանվաերթին: Այս մասին հեծանվաերթի մեկնարկից առաջ իր Facebook-յան էջում տեսանյութ է հրապարակել Արսեն Թորոյանը:
«Զբաղվե՛ք առողջ ապրելակերպով, վե՛րջ տվեք վնասակար սովորություններին»,-տեսանյութին կից գրել է նախարարը:
Երթը մեկնարկել է Հանրապետության հրապարակից։ Վերջնակետը Մասիս քաղաքն է։ Հեծանվաերթին մասնակցում են մոտ 100 հեծանվորդներ: Մասնակցում են նաև ՀՀ-ում Ֆրանսիայի դեսպան Ժոնաթան Լաքոթը, փոխվարչապետ Տիգրան Ավինյանը, Արարատի մարզպետ Գարիկ Սարգսյանը։