ԵՐԵՎԱՆ, 27 հուլիսի — Sputnik. Մոսկվայի օդանավակայաններում այսօր առավոտյան 13 չվերթ է չեղարկվել, 41-ը՝ հետաձգվել։ Այս մասին տեղեկացնում է ՌԻԱ Նովոստին։
Չվերթերի չեղարկման ու հետաձգման պատճառների մասին չի նշվում:
Չկայացած հանգիստ. Եգիպտոսում մնացած ՀՀ քաղաքացիների թիվը կարող է ավելանալ
«Զվարթնոց» օդանավակայանից Sputnik Արմենիային հայտնեցին, որ մինչ այս պահը Երևան–Մոսկվա–Երևան չվերթերից որևէ մեկը չի չեղարկվել կամ հետաձգվել։
«Մինչ այս պահն անխափան աշխատել են բոլոր չվերթերը։ Ավելին, այսօր դեպքի Մոսկվա նախատեսված թռիչքներից որևէ մեկն այս պահին որոշված չէ, որ պետք է հետաձգվի կամ չեղարկվի»,–հայտնեցին օդանավակայանից։
Հիշեցնենք, որ օրերս Մոսկվայի «Շերեմետևո» օդանավակայանում Boeing 737 ինքնաթիռով Մոսկվա-Երևան չվերթի ժամանակ օդանավի սրահում ծխի առկայության պատճառով ուղևորներին տարհանել էին փչովի սանդուղքով։ Քաղաքացիական ավիացիայի կոմիտեի մամուլի ծառայությունը հայտնել էր, որ «Nordwind Airlines» ավիաընկերության ինքնաթիռում եղել է 187 մարդ, տուժել են 10-ը, որոնցից երկուսը հոսպիտալացվել են։
Հուրգադայում մնացած ՀՀ քաղաքացիներից 132–ը վերադարձան հայրենիք. տեսանյութ