ԵՐԵՎԱՆ, 26 հուլիսի — Sputnik. «Իրատես» թերթում տեղ գտած «Բա ասում եք՝ գործարարներ չունեք» վերտառությամբ հրապարակման մեջ լրագրողի պնդումը, թե վարչապետի մամուլի քարտուղար Վլադիմիր Կարապետյանը «Թբիլիսիում և Երևանում ռեստորաններ ունի», իրականությանը չի համապատասխանում։ Այս մասին Sputnik Արմենիային հայտնում են վարչապետի աշխատակազմի տեղեկատվության և հասարակայնության հետ կապերի վարչությունից։
«ՀՀ վարչապետի աշխատակազմն անթույլատրելի է համարում այս հրապարակման մեջ տեղ գտած ոչ ճիշտ պնդումն ու, «Զանգվածային լրատվության մասին» ՀՀ օրենքի 8-րդ հոդվածի 1-ին և 2-րդ կետերի համաձայն, պահանջում է «Իրատես» թերթում և Irates.am կայքում հրապարակել դրա հերքումը»,- նշված է հաղորդագրության մեջ:
Հիշեցնենք` «Իրատես» թերթը 2019 թվականի հուլիսի 26-ին համարում տեղեկություն էր հրապարակել այն մասին, որ վարչապետի խոսնակը «Թբիլիսիում և Երևանում ռեստորանների սեփականատեր է։