ԵՐԵՎԱՆ, 25 հուլիսի – Sputnik. Երեկ՝ կեսգիշերին մոտ, Վանաձորի հիվանդանոց է տեղափոխվել դանակահարված մի տղամարդ։ Sputnik Արմենիայի տեղեկություններով` նա բուժհաստատություն է տեղափոխվել իր ընկերուհու տնից, որը գտնվում է Տարոն 4 թաղամասում։
Ըստ շրջանառվող որոշ տեղեկությունների՝ ընկերուհու տանը հացկերույթ է եղել, որին ի թիվս այլ անձանց մասնակցել է նաև ընկերուհու քրոջ որդին, որը երիտասարդ տղա է։ Հացկերույթի ժամանակ միջանձնային հարցրեի շուրջ վեճ է սկսվել, որի ընթացքում երիտասարդը դանակահարել է մորաքրոջ ընկերոջը։
Ողբերգական դեպք Երևանում. մեքենան վրաերթի է ենթարկել 16 տարեկան պատանուն
Աղմուկից հարևանները վրա են հասել ու ահազանգել և՛ 1-03, և՛ 1-02։ Ժամանած իրավապահները միջադեպի մասնակիցներին տարել են բաժին, շտապօգնությունն էլ վիրավորին տեղափոխել է հիվանդանոց։
Դեպքի մանրամասները պարզվում են։
Ողբերգական դեպք Գեղարքունիքում. տան տանիքում կախված են գտել 24-ամյա երիտասարդին