ԵՐԵՎԱՆ, 25 հուլիսի – Sputnik. Մեծ Բրիտանիայի վարչապետ և միաժամանակ թիավարման Օլիմպիական չեմպիոն Բորիս Ջոնսոնի ընկերուհի Քերի Սիմոնդսի հագուստը իսկական իրարանցում է առաջացրել: Վարչապետի առաջադրման արարողության ժամանակ Սիմոնսը ներկայացել էր մի զգեստով, որը, հաշված րոպեների ընթացքում, «գողացել են» խանութներից: Այս մասին հայտնում է Independent-ը:
Լոնդոնյան Ghost ապրանքանիշի ծաղկավոր պրինտով կարմրա-վարդագույն զգեստն արժե 120 ֆունտ (մոտավորապես 150 դոլար):
Իր կերպարն ամբողջացնելու համար 31-ամյա Սիմոնդսը հագել էր մարմնագույն կոշիկներ և օգտագործել վարդագույն շրթներկ: Քերի Սիմոնսի՝ այսպիսի հաջողված «ելույթից» հետո այդ հագուստն սկսեց մեծ քանակությամբ իրացվել և հաշված րոպեների ընթացքում ամբողջ հավաքածուն վաճառվեց:
Սոցցանցերում բոլորը հիմնականում գովաբանում էին Սիմոնդսի կերպարը: Հայտնի հաղորդավար Պիրս Մորգանի արձագանքը ևս չուշացավ. «Որպես բրիտանական նորաձևության էքսպերտ, կարող եմ ասել, որ ինձ դուր է գալիս Քերի Սիմոնսի կերպարը», - գրել է նա իր Twitter-ի էջում:
Երբ սեքս չկար, կամ ինչպես էին կանայք գայթակղում 60-ականներին. լուսանկարներ
Նշենք, որ Սիմոնդսը և Ջոնսոնը երկար ժամանակ թաքցնում էին իրենց հարաբերությունների մասին լուրերը: Նրանց ծանոթության օրը ներկայիս Մեծ Բրիտանիայի վարչապետն իր կնոջ՝ Մարինա Ուիլերի հետ նշում էր ամուսնության 25-րդ տարեդարձը:
Աղջիկը ներկում էր մազերը, փախչում էր լրագրողներից, փոխում էր հեռախոսահամարը, բնակության վայրը, չէր օգտվում սոցցանցերից: Եվ դա օգնեց նրան. նրանց սիրավեպի մասին իմացան վարչապետի ամուսնալուծությունից հետո միայն:
«Այո, սա հայկական է». ինչպե՞ս է զարգանում հայկական նորաձևությունը. պատմում են մասնագետները
Հիշեցնենք`Բորիս Ջոնսոնը Մեծ Բրիտանիայի վարչապետ ընտրվեց հուլիսի 24-ին: Նա հանդիպել էր Ելիզավետա II թագուհու հետ Բուքինգհեմյան պալատում: